Adat Tusun Tunggu

Tabi madi,

Ba sukut tu aku deka ngumpul sekeda kereban ti besangkut paut enggau adat tusun tunggu kitai iban. Aku nemu adat tusun tunggu tu semakin sehari semakin lenyau ari amalan pengidup kitai di rumah panjai. Nembiak rebak kediatu nyau enda nemu adat kitai iban kelia. Berindik ari nya tadi, nya mih ke kebuah pengidup bala nembiak kitai diatu nyau teguran ketegal segang pemansang dunya ti enda besempadan. Aku ngasai kitai enda ulih nyalahka bala nembiak ti enda nemu adat nya laban kemayuh agi kitai agi rapas penemu pasal adat enggau pemali rumah panjai. Ketebal agi orang mejah adat sereta penti pemali nya enda relevan agi. Dalam runding aku kediri penemu ti baka nya sigi enda patut amat. Asai aku enda salah kitai malik ke belakang baru meda adat enggau penti pemali aki enggau ini kitai kelia. Ukai ga tudah aku mai kitai nitih adat nya semua. Tang mayuh ga adat nya endang agi relevan tau dikena kitai ngaduka nembiak redak kitai di rumah panjai. Ari nya tadi ba blog aku tu aku baka ti genih-genih tauka lebih-lebih mantai pekara pasal adat tu. Aku semina deka bekunsi pasal adat ti digumpul sereta ulih betanya ngagai bala tuai-tuai rumah sereta mega orang tetuai ke landik pasal adat ari pelilih menua iban remun ditu baka ari Kpg.Tepin, Kpg.Sepan, Kpg. Bayur, Kpg.Tanah mawang, Kpg. Sungai Engkabang, Kpg. Entayan, Kpg.Semokoi, Kpg.Teriboh, Kpg. Lebor, Kpg.Remun.

Adat sereta pemali berumah:

Tuai rumah ti bempu tanggung pengawa bebaika nembiak redak iya baum tauka ngudung enti sida deka pindah ngaga rumah panjai ke baru. Sebedau berumah sida deka berandau netapka tempat alai ngagai rumah panjai ke baru baka:

a) tanah endur rumah
b) penyampau pintu ke deka enggau berumah baru
c) ripih bilik
d) sebarang pekara ke bukai ti besangkut paut enggau berumah.

1. Penyalah mungkir danji enggau berumah.

• Sebarang sapa bula deka kena ukum dua pikul sepintu

2. Enda nyadi nampung rumah panjai

• 16 mungkul
• babi siku
• kering semengat

3. Pemali ngachau kayu burung

• 8 mungkul
• genselan manuk siku
• kering semengat

4. Pemali ngacau tanah udah dirembang alai berumah

• 8 mungkul
• genselan manuk siku
• kering semengat

....besambung o.k

Ngelala leka jaku iban remun

Giga reti leka jaku iban remun di baruh tu:

nganduh
ngeledeh
entau bada'
kayu
utai ya
ngelanjo
bangkal
lasuk
hemantau
derim

Belajar Jaku Iban Remun

IR- Iban remun JIS- Jaku Iban Sekula

1. (a) Aku entai ngilau iya (IR)
(b) Aku nadai medai iya (JIS)

2. (a) Kelaya ya nyelaie amat(IR)
(b) Tikai nya manah amat (JIS)

3. (a) Orang ke datai enda beradat ngagai menua tu ngena jalai 'tikus' (IR)
(b) Orang ke datai entai beradat ngusung menua tu enggau jalai semukil (JIS)

4. besambung....

Ensera Antu Sirut 2

Kenu ku cherita orang ti ngani menua Batang Krang nyau deka pupus. Pengawa bumai betaun enda ga ulih dikereja laban genap orang ke mansa lubuk nya abis disirut antu sirut jai nya. Enti orang nya sepuluh iku dalam perau nya sepuluh iku ga abis parai disirut antu nya. Balai orang ba menua nya yau teguran. Kini-kini pan enda ulih laban sigi sungai nya meh ke jalai sida iya ke ulu ke ili ngiga pemakai. Hari siti bisi siku pungka laki ari rumah panjai ba menua nya nurun belelang nuju menua bugau laban deka minta saup sida ari menua Mualang Indonesia. Dua iku tuak bugau nya pan datai setuju nyaup orang ba Batang Krang nya ngelaban antu sirut nya. (besambung

Ensera Antu sirut 1

Dulu kelia orang ba Sungai Batang Krang teguran pengidup ketegal Antu sirut. Menua Batang Krang tu ba menua pegai Balai Ringin. Kenu ku cherita mayuh amat mensia parai lebuh mansa lubuk siti ti bisi diwan antu sirut nya. Orang ke mansa lubuk nya sigi enda jena. Abis mati disirut antu nya. Ukai semina batang tubuh enda temu tang nyentuk ke perahu ke dikena sida iya merau nya abis disirut antu sirut nya. Naka meh pengebam antu sirut nya. Nadai siku orang ba menua nya ulih ngelaban antu nya. (sambung...